Welkom!
Skrywersnetwerk is ’n dinamiese gemeenskap van Afrikaanse skrywers en woordkunstenaars.
Ontdek stories, ontmoet die mense agter die woorde, en bly op hoogte van nuwe vrystellings en boekgeleenthede.
Nuwe Vrystellings
Skrywer van die maand
1. Waaraan werk jy tans?
Soos gewoonlik werk ek aan meer as een boek op ’n slag. Behalwe The Widow’s Choice, ’n Christelike romanse wat in Skotland afspeel, het ek pas Bella en die Buffel (Sprokiesliefde, 2) vir my betalesers gestuur. Ek het ook tydens ROSAWrimos die eerste weergawe van Klanke en Kaneel (Groenbosbaai, 5) voltooi, en Found in the Flames — die begin van ’n opwindende nuwe Hallmark-gebaseerde kleindorpse romanse wat in Kalifornië afspeel. Ek is tans besig met die tweede boek in daardie reeks, sowel as die vertaling van Playing for Haggis na En Toe Is Daar Jy.
2. Waar kry jy jou inspirasie?
Oral! In mense, plekke, liedjies, drome... Soms net ’n sin of ’n foto, en dan ontstaan ’n hele storie daaruit. Ek dink ek sien stories in alles.
3. Een interessante feit oor jouself wat min mense weet?
Ek is doodbang vir springkane. En nie net “ek skrik” nie — ek raak histeries. Dan sit ek letterlik in ’n bondeltjie en wag dat iemand anders dit hanteer!
4. Boek of karakter wat jou gevorm het?
Ek dink dit het begin met die Maasdorp-reeks en Alba Bouwer se stories, tot ek oud genoeg was om liefdesverhale te ontdek en meegesleur is deur skrywers soos Wille Martin, Ettie Bierman en Susanna M. Lingua. Of dalk was dit Kinders van die Wêreld… daardie boeke het my wêreld oopgemaak.
5. Droomplek om te skryf?
In ’n bos. Met ’n kaggel. En stilte. Ek is mal oor woude — dis daar waar my verbeelding die vrye teuels kry.
 |  |  |  |
|---|---|---|---|
 |  |  |  |
 | |  |  |
 |  |  | |
 |